Praias para ir con nenos na Costa da Morte

Se estás a planear unhas vacacións familiares, este post é para ti porque aquí che contamos cales son as praias tranquilas na Costa da Morte para ir con nenos, lugares ideais onde gozar do mar en calma, de area fina e contornas seguras para os máis pequenos.

Porque en Galicia tamén hai recunchos perfectos para unha escapada con peques.

Praia do Lago (Muxía)

Unha pequena xoia pouco transitada, con augas mansas e unha contorna natural preciosa. Perfecta para xogos na beira e picnics baixo os piñeiros. Ademais, é desas praias nas que se forma un regato no que os peques gozan entrando e saíndo da auga.

Outra vantaxe desta praia é que ten unha extensión de area enorme na que poder xogar sen molestar ao de ao lado. Mesmo á pelota! É ideal para botar un partidinho de fútbol ou xogar ás pas. Hai espazo para dar e regalar!

Praia de Lires (Cee)

Ampla, tranquila e con zonas onde o mar se converte case nunha piscina natural. Moi frecuentada por familias locais, conta con aparcadoiro próximo e accesos cómodos.

Praia do Ézaro (Dumbría)

Xusto ao lado da desembocadura do río Xallas, esta praia combina río e mar. Ideal para quen viaxa con nenos pequenos grazas ao seu ondaxe suave e á beleza da contorna.

Praia de San Francisco (Muros)

Aínda que está un pouco máis ao sur da Costa da Morte, merece mención especial. Conta con bandeira azul, zona de merendeiro e chiringuitos preto, ademais dun mar moi tranquilo.

O mellor aloxamento con nenos en bungalows en Muxía

Despois dun día de xogos, baños e castelos de area, nada como descansar nun lugar que entenda as necesidades das familias.

O Camping Lago-Mar en Muxía é ese lugar.

Con bungalows totalmente equipados, zonas verdes e un ambiente tranquilo e seguro, é perfecto para que pequenos e maiores gocen dunhas vacacións sen preocupacións.

Ademais, os rapaces de Lago-Mar sempre teñen un sorriso e unha recomendación local baixo a manga.

Aquí non só reservas un aloxamento, reservas unha experiencia familiar que lembrarás con agarimo.

Reserva agora o teu bungalow en Lago-Mar e prepárate para descubrir o lado máis amable e familiar da Costa da Morte.