Camping Lago-Mar

O Camping Lago-Mar é un espazo de descanso, convivencia e gozo do contorno natural e cultural. Todas as persoas aloxadas deberán respectar as seguintes normas durante a súa estancia.

A estancia no camping implica a aceptación expresa desta normativa.

1. Rexistro e acceso

• Todas as persoas aloxadas deben estar debidamente rexistradas en recepción.
• Non se permitirá a permanencia de persoas non rexistradas en parcelas ou aloxamentos.
• A dirección resérvase o dereito de admisión conforme á normativa vixente.
• Poderase solicitar documentación identificativa en calquera momento.

2. Horarios e descanso

• Deberase respectar o descanso do resto de persoas aloxadas.
• Entre as 00:00 h e as 08:00 h manterase silencio.
• Non se permite música alta, berros nin comportamentos que alteren a convivencia.
• No caso de actividades culturais organizadas polo camping, informarase previamente dos horarios.

En caso de incumprimento reiterado, a dirección poderá cancelar a estancia sen dereito a reembolso.

3. Visitas

• As visitas deberán comunicarse previamente en recepción. Poderán estar suxeitas a:
  • Control de acceso
  • Limitación horaria
  • Cargo adicional segundo tarifas vixentes
• Non está permitido que as visitas pernocten sen rexistro previo.
  O camping poderá limitar ou denegar visitas en períodos de alta ocupación.

4. Uso de parcelas e aloxamentos

• Cada parcela ou aloxamento só poderá ser ocupado polo número de persoas autorizado.
• Non se permite cambiar de parcela ou aloxamento sen autorización.
• Existen puntos habilitados para grelladas dentro do camping.
• Só baixo autorización expresa da dirección e sempre que a normativa vixente o permita, poderá realizarse grellada nas parcelas.
• Queda prohibido instalar estruturas adicionais non autorizadas.

Os danos ocasionados nas instalacións ou equipamentos serán responsabilidade do cliente.

5. Mascotas

• Admítense mascotas en espazos autorizados.
• Deberán estar sempre baixo control.
• Non poderán acceder a zonas restrinxidas.
• Os propietarios deberán recoller os excrementos.
• Calquera dano causado será responsabilidade do propietario.

6. Vehículos e circulación

• Velocidade máxima dentro do camping: 10 km/h.
• Só se permite estacionar en zonas habilitadas.
• O camping non se responsabiliza de danos ou roubos en vehículos.

7. Piscina

• A piscina estará aberta durante a tempada estival, podendo variar as datas de apertura e peche cada ano.
• É obrigatorio cumprir as normas específicas do recinto.
• O uso é exclusivo para persoas aloxadas ou autorizadas.
• O camping poderá limitar o acceso por razóns de seguridade ou aforo.

8. Seguridade, convivencia e respecto

• Non se tolerarán comportamentos agresivos, incívicos ou que alteren a convivencia.
• O consumo de alcohol deberá ser responsable.
• Está prohibido manipular instalacións eléctricas ou técnicas.
• O Camping Lago-Mar é un espazo libre de violencia machista, racista, LGTBIfóbica ou de calquera outro tipo de discriminación ou violencia.
• En caso de emerxencia, deberase avisar inmediatamente a recepción.

9. Restaurante / Bar

• O restaurante/bar ten un horario orientativo anual de 08:00 h a 23:00 h, que poderá variar en función da tempada.
• O horario de cociña tamén poderá variar segundo tempada, ocupación ou programación especial.
• A dirección poderá modificar horarios por razóns organizativas, climatolóxicas ou de seguridade.

10. Programación cultural

O Camping Lago-Mar desenvolve actividades culturais en determinados períodos do ano.

• As persoas aloxadas aceptan a posible realización de actividades dentro de horarios razoables.
• O camping garantirá o respecto aos horarios de descanso.

11. Incumprimento e expulsión

O incumprimento grave ou reiterado da normativa poderá conlevar:

• Advertencia formal.
• Cancelación da estancia.
• Expulsión do camping sen dereito a devolución.